वोरे फामे दोङला , शेरगी चोग्ची डुङ्सुङ । २
शेरगी चोग्ची खाला , सुलसेन स्यागी क्याङसुङ । २
ला ए होक ।
फामा साङ्बी बु हिन ला , नावा ल्हा ले किश्योग । २
युयी बुम्पी खाने ला । रे गो सोनाम ग्या श्योग । २
ला ए होक ।
श्यार्गी मि याङ जोम्सुङ ला , नुप्की मि याङ जोम्सोङ । २
जोम्पा टाशी खाला ला , छेला बार्छे मातोङ । । २
ला ए होक ।
जम्लिङ सिदे नाङ्ला ,डिन्छेन फामी केसोङ । २
डिन्चेन फामी काडिन, नावा किपो जुङसोङ । २
ला ए होक ।
नवा किपो मिछे दि , कोन्छ्योक सुम्गी काडिन । २
लु सेम देवै मिलु दि , डेन्छेन फामी काडिन । २
ला ए होक ।
गापो सेर्ना दि यिन ला , किपो सेर्ना दि यिन ~ २
गापो किपी नाङ ला , छेला बार्छे मातोङ । । २
ला ए होक ।
सेम्पा रे रे गावा ला , सेम्पा रे रे किपु । २
गा ताङ किपी नाङ्ला , मी छे क्योङग्यु यिन्नो । २
ला ए होक ।
सेरताङ सेर्की रिला ला , सेर्की ङिमा श्यार सुङ । २
वोराङ देरु जोम्नी ला , कल्वा साङबो जुङसुङ । २
ला ए होक ।
तेन्दा टेम्डेल डिक्सुङ ला ,छे दाङ सोनाम ग्यासुङ । २
सोनाम ग्यावै मिला ,छे ला बार्छे मातोङ । २
ला ए होक ।
कर्च्याङ श्यार्नी श्यार सुङ ,कर्च्याङ जोम्पा श्यार सुङ । २
कर्च्याङ जोम्पा मिन्दे , वोश्याङ जोम्पा यिन्दे । २
ला ए होक ।
ल्हाङा सम्पी नाङला , खाज्यु रोक्पी थुजे । २
थिङसाङ नावा किपो ,फामा साङपोइ थुग्ज्ये । २
ला ए होक ।
कवा चुक्पा शेर यिन , दुङ्मा क्याङगु ङुल यिन । २
कवा माचुग बरदु ,दुङमा क्याङ ग्यु मिन्दुक । २
ला ए होक ।
होक्तु लुयी मेतोक , तेङदु ल्हायी मेतोक । २
वोस्याङ देरु जोम्पा , दोन्पो चिग्गी मेतोक । २
ला ए होक ।
फारी रि याङ ङुल यिन , छुरी रि याङ शेर हिन । २
बरदु दुङगी छोरतेन , चावै लामी जिम्खाङ । २
ला ए होक ।
छ्युताग छुइे कोरसोङ , मणी लुङगी कोरसोङ । २
लामा दुसुम साङ्गे , छ्योकी खोरलो कोरसोङ । २
ला ए होक ।
छ्युती थाङसाङ ङोन्पो , यारखाङ चाङ्पोइ ग्यु यिन । २
दिङग्या ङाग्याल रिन्पो ,फामा साङ्पोइ ग्यु यिन् । २
ला ए होक ।
फानी ग्ये याङ ग्ये सोङ , बुती छरल्यो जुङ्सोङ । २
बुती छरल्योइ जुङ्ने , तेन्पा जिम्गो जुङ्सोङ । २
ला ए होक ।
श्यारला श्यार्यी ङिमा ,नुप्तु गागी गासोङ । २
वोस्याङ दिरु जोम्पा , छ्येगाङ छोग्यु मिण्दुक् । २
ला ए होक ।
वोराङ देरु जोम्सोङ ला , तेम्डेल साङ्पोइ ङिमु । २
देरु जोम्पी मिला , छेला बारछे मातोङ । २
ला ए होक ।
फामा पिङगी पेजा ला , मासी तलो ठेसुङ । २
मासी तलो ठेक्याङ ला ,सेम्गी लोयाङ देसोङ । २
ला ए होक ।
छोर्तेन आमा यिन्दे ,सिङगोङ हापा यिन्दे । २
बारगी सालाख दोलाख ,किपी बुयाङ डासुङ । २
ला ए होक ।
छ्युती ङ्यागा ङुगु , कोम्ना थुङ्सा मिन्दुक । २
ल्याला खाङ वा चि वाइ , नावा खाङ छ्या मेतोक । २
ला ए होक ।
दावा दुङकार कारको , ग्येने लोग्यु दुक ते । २
वोराङ जिग्तेन मिल्यु , ग्येने लोग्यु मिनदुक ।
ला ए होक ।
छेरवा ज्ञाग्ना ज्ञाक्सी ,सेरु ज्ञाग्रो माजेद । २
फामे लोब्ना लोब्सिग । कुनगी लोब्रोग माजे । २
ला ए होक ।
श्यामा शेर्पा 