टा शि लुङपी लु ।
गोवै ला छ्यो ति मासे ला.. टा ला शे ।
मोगो ला लु चिग सेसुङ .. टा शि लुङपी लु ।
मोगो ला लु चि शेने ला.. टा ला शे ।
रिगश्युङ ला लेमु छ्याग सोङ .. टा शि लुङपी लु ।
ल्हा लु ला ङेपो जुङ्सुङ ।
तेम्डिल ला यिन्ना डिक्सुङ ला .. टा ला शे ।
किपो ला यिन्ना जुङसुङ .. टा शि लुङपी लु ।
तेम्डेल ला छोवै मिला ला .. टाल ला शे ।
छेला ला बारछे मातोङ .. टा शि लुङपी लु ।
फामा ला पिङ्ग्यी पेजा ला .. टा ला शे ।
मासी ला तलो ठेसुङ .. टा शि लुङपी लु ।
मासी ला तलो ठेक्याङ ला .. टा ला शे ।
सेम्गी ला लोयाङ देसोङ .. टा शि लुङपी लु ।
नाठुक ला नाङगी युङमा ला .. टा ला शे ।
बोमठाक ला मा चे खाङ चे .. टा शि लुङपी लु ।
फामा ला पिङ्गी पेजा ला .. टा ला शे ।
सेम्पा ला मा चे खाङ चे .. टा शि लुङपी लु ।
श्यार्गी ला मियाङ जोम्सुङ ला .. टा ला शे ।
नुप्की ला मियाङ जोम्सुङ .. टा शि लुङपी लु ।
जोम्पा ला टाशी खाला ला .. टा ला शे ।
छेला ला बार्छे मातोङ .. टा शि लुङपी लु ।
सेरताङ ला सेर्की रिला ला .. टा ला शे ।
सेर्की ला ङिमा श्यारसुङ .. टा शि लुङपी लु ।
वोराङ ला देरु जोम्नी ला .. टा ला शे ।
सेम्ला ला गाकी क्याङ सुङ .. टा शि लुङपी लु ।
होक्तु ला लुयी मेतोक ला .. टा ला शे ।
तेङदु ला ल्हायी मेतोक .. टा शि लुङपी लु ।
वोस्याङ ला देरु जोम्पा ला .. टा ला शे ।
दोन्पो ला चिग्गी मेतोक .. टा शि लुङपी लु ।
नाम्खा ला कोर्मी दिङला ला .. टा ला शे ।
च्यालुङ ला कर्मी तरताङ .. टा शि लुङपी लु ।
सा शिङ ला पेमी खाला ला .. टा ला शे ।
वोराङ ला पिङगी तर ताङ .. टा शि लुङपी लु ।
सेम्पा ला रे रे गावा ला ..टा ला शे ।
सेम्पा ला रे रे किपु .. टा शि लुङपी लु ।
गा ताङ ला किपी नाङ्ला ला .. टा ला शे ।
मी छे ला क्योङग्यु यिन्नो .. टा शि लुङपी लु ।
गापो ला सेर्ना दि यिन ला .. टा ला शे ।
किपो ला सेर्ना दि यिन .. टा शि लुङपी लु ।
गापो ला किपी नाङ ला ला .. टा ला शे
छेला ला बार्छे मातोङ .. टा शि लुङपी लु ।
गा-गा ला टोक टोक ज्युङसोङ ला .. टा ला शे ।
नोछे ला साम्छे ढुब्सोङ .. टा शि लुङपी लु ।
गा-गा ला टोक टोक नाङ ने ला .. टा ला शे ।
किपी ला ङिमा श्यारसोङ .. टा शि लुङपी लु ।
डोनी ला याम्बु खाला ला.. टा ला शे ।
सेर जाङ ला सम्पी खाला .. टा शि लुङपी लु ।
ज्यु नि ला ङ्याम्बु चि ला .. टा ला शे ।
ढुकरी ला देनगी खाला .. टा शि लुङपी लु ।
ला नि ला ग्याब्नी मोडी ला .. टा ला शे ।
ला चे ला सोल्ने लोग यिन .. टा शि लुङपी लु ।
फामा ला पोङ नि मोडो ला .. टा ला शे ।
नेसा ला कोरने लोग यिन .. टा शि लुङपी लु ।
श्यामा शेर्पा 