जन्दी लु ।
यिदसु चावै लामा , यिदसु चावै भुम्पा । २
भुम्पी नाङ्गी दुरची , सेम्चेन कुन्ला डिम श्योग । २
ला ये होक ।
छयाङ ति छे नि छेसुङ , चावै लामी छेसुङ । २
चावै लामे माछेद ला, सियाङ छेद ग्यु मिन्दुग । २
ला ये होक ।
करमु तुङ्गी ठिला ,डिन्चेन फाम जुसुङ । २
तुङ्गी चोकचे खाला ,ङुल्गी चोक चे ज्ञाप्सुङ । २
ला ये होक ।
ठिनी शेरगी ठि यिन, देन्ती ङुलगी देन हिन । २
दिन्डे ठिकी खाला , डिन्छेन फामा स्युग योद । २
ला ये होक ।
दता तेम्डेल ढिक्सुङ , ला छे दाङ सोनाम ग्यासोङ । २
सोनाम ग्यावै मिला , छेला बारछे मेतो । २
ला ये होक ।
श्यार्गी मि याङ जोम्सुङ ला , नुप्की मि याङ जोम्सुङ । २
जोम्पा टाशी खाला ला , छेला बार्छे मातोङ । । २
ला ये होक ।
।
रिला खोयुग खोयुग , रिला मुक्पा खोयुग । २
जिम्खाङ दियी नाङला , छ्याङ दाङ याङसो खोयुग । २
ला ये होक ।
तलू क ख लोब्ने , सङफो छ्योग्ला डो यिन । २
तलो सङबी बरदु , छेला बरछे मातोङ । २
ला ये होक ।
फुला केद्पी युङमा , लुमु छ्याचिग जुरसोङ । २
वोश्याङ देरु जोम्ने , मियुल छ्याचिग जोमसिङ । २
ला ये होक ।
मि यि खाङ सि चि श्यी , नावै ग्याप्तु क्युरताङ । २
नावै ग्याप्तु क्युरने , किपो ताङरोग नाताङ । २
ला ये होक ।
फारी फ्यार क्याङ लाला , खसे खर्क दिङ दिङ । २
खासे हर्क मिन्दे , दक्पु पिङी हर्का । २
ला ये होक ।
त्यीका वोरे लु यिन , नासाम सिम्बी पक्च्या । २
पाग्च्या राङगी माज्याक , सि याङ ज्याक्यु मिन्दुक। । २
ला य
फामा जाङ्बी बुला , ल्हमी फुमो थोप्सुङ । २
माक्पी छोक्की मिला , सेम्पा गाकी खेङसुङ । २
ला ये होक ।
दोन्पो किर्यी होक्ला , ङिमा टेन्बु श्यार सुङ । २
ङिमा टेन्बो देसी , डिन्छेन फामा डेन्सुङ । २
ला ये होक ।
ङासु फामी थुजे , दुक्पु यिला माछुङ । २
थारुङ कोन्छोक ला काडिन, दुक्पु यिला मातोङ । २
ला ये होक ।
च्या दि शेर ताङ कार ताङ , गोङ्स्युल कोरमी नाङ्दु । २
सोते वातु फुमो , फामा साङ्पी नाङ्दु । २
ला ये होक ।
श्यामा शेर्पा 